Contoh Pidato - PASRAH MANTEN versi Jawa

اَلسَّلَامُ عَلَيْكُمْ وَرَحْمَةُ اللّٰهِ وَبَرَكَاتُهُ

حَمْدًا وَشُكْرًا لِلّٰهِ، وَالصَّلَاةُ وَالسَّلَامُ عَلٰى رَسُوْلِ اللّٰهِ، سَيِّدِنَامُحَمَّدٍابْنِ عَبْدِ اللّٰهِ، وَعَلٰى اٰلِهِ وَأَصْحَابِهِ وَمَنْ تَبِعَ سُنَّتَهُ وَجَمَاعَتَهُ، مِنْ يَوْمِنَاهَذَاإلَى يَوْمِ النَّهْضَةْ، وَقَالَ اللّٰهُ تَعَالَى فِى الْقُرْأَنِ الْعَظِيْمِ، أَعُوْذُبِاللّٰهِ مِنَ الشَّيْطَانِ الرَّجِيْمِ، وَمِنْ ءَايَٰتِهِۦٓ أَنْ خَلَقَ لَكُمْ مِّنْ أَنفُسِكُمْ أَزْوَٰجًۭا لِّتَسْكُنُوٓا۟ إِلَيْهَا وَجَعَلَ بَيْنَكُمْ مَّوَدَّةًۭ وَرَحْمَةً ۚ إِنَّ فِى ذَٰلِكَ لَأَيَٰتٍۢ لِّقَوْمٍۢ يَتَفَكَّرُوْنَ، وَقَالَ النَّبِى؛ اَلنِّكَاحُ سُنَّتِيْ فَمَنْ رَغِبَ عَنْ سُنَّتِيْ فَلَيْسَ مِنِّيْ. اَلْحَدِيْث اَوْكَمَاقَالَ، أَمَّابَعْدُ

--------

• Ulama’anal Kirom Ashabal Karomah wal Fadhilah, dumateng para alim, para ulama, para yai ingkang rinten dalu tansah sumanding kitab wahyuning illahi minangka panuntun keblating panembah, ingkang tansah kaantu-antu sabda miwah pitutur luhuripun.
• Panjenenganipun para pepundhen, para pinisepuh, saha para sesepuh ingkang satuhu pana ing pamawas miwah lebda ing pitutur;
• Panjenenganipun para pangreh pangemban pangembating praja, para satriyaning nagari ingkang kinarya pengayomaning para kawula dasih ingkang satuhu pantes sinudarsana.
• Panjenenganipun kadang besan sutresno bapa ………… sekalian garwa ibu ……………., ingkang satuhu pantes sinuba sagunging pakurmatan.
• Panjenenganipun para rawuh, para pilenggah, kakung sumawana putri, saha para sanak kadang wredha mudha lan tumaruna, ingkang tansah winantu ing suka rahayu.

.

Minangkani purwakaning atur, ngengeti Kula sedaya titah sawantah ingkang pinurba kawasesa dening Gusti Ingkang Maha Kuwaos, pramila sumangga kula dereaken manungku puja lan puji astawa dumateng Gusti Allah SWT ingkang sampun kepareng ngrentahaken rahmat, nikmat wah malih kawilujengan, sehingga wonten ing enjang siang punika kula lan panjenengan sedaya saget makempal pepanggihan saperlu nderek mangayubagya wonteninpun Walimatul ‘Ursy puniko kanthi kawontenan rahayu wilujeng widodo kali sing rubeda. Mugi-mugi kempal saha pepanggihan Kulo lan Panjenengan Sedaya puniko dipun catet dening Gusti Ingkang Murbeng Dumadi dados tambahing amal ibadah ingkang maslahah - manfaat fi dinni wa dunya wal akhirah. Aamiin ya Rabbal ‘Aalamiin

.

Saklajengipun rahmat takdzim saha salamipun Allah mugia tangsah lumintu lumintir dhumateng titah linangkung ingkang dados pepanutaning umat sejagad nun inggih Nabi Ageng Muhammad SAW, nabi ingkang paring patuladan lumantar syariat agami Islam, saha nabi ingkang kulo lan panjenengan antu-antu syafaat ipun mbenjang wonten ing yaumil qiyamah. Kanthi pangajab, mugi-mugi kulo lan panjenengan sedaya ka akena minangka umat ipun ingkang angsal syafaat mbenjang wonten ing yaumil mahsyar. Aamiin 3x ya Rabbal ‘Aalamin.

.

Para pinisepuh, sesepuh saha para rawuh sedaya ingkang satuhu luhuring budi.

Sakderengipun kula nyuwun pangapunten ingkang ageng, awit kula ngadeg wonten ngarsa Panjenengan sedaya, kula nun kaparenga sumela atur nggempil kamardikan panjenengan sekalian kalanipun saweg sekeca wawan pangandikan.

.

Keparenga matur bilih ing mriki kulo minangka talanging basa, sulih sarira saking panjenenganipun Bapa ….. (yang diwakili) sekalian garwa ibu …………

 

Sepindhah (sepisan); Ngaturaken matur agunging panuwun ingkang tanpa pepindhan dumateng bapa …… (besan) saha ibu …… dalah para kadhang pambiyantu, ingkang sampun paring pakurmatan, papan pinarakan minggahipun pasugatan ingkang kados menika kathah lan mawarni-warnipun, kulo minangka sulih sarira saking bapa ….. (yang diwakili) sekalian garwa mboten saget paring piwales punapa-punapa kejawi hanamung ndunga aken; Jazakumullaahu ahsanal jaza’ jazaan katsira" --- Mugi-mugi sedaya kesaenan punika dipun wales dening Gusti Allah kanthi piwales ingkang langkung sae lan sak kathah-kathahipun.

 

Ingkang kaping kalih; Kula minangka talanging basa saking panjenenganipun Bapa ........ (yang diwakili) sagotrah, ngaturaken salam taklim konjuk dhumateng Bapa ....... (besan) saha ibu ....... sumrambah dhumateng para pilenggah kanti atur "Assalamu'alaikum Warahmatullaahi Wabarakatuh".

Ing saklajengipun Kulo ugi minangka sesulih saking wali utawi tiyang sepah saking temanten kakung inggih punika bapa …… (yang diwakili), kalawau bidal saking griya / tlatah …… (sebutkan desanya!) kulo nampi amanah supados hamasrahaken putranipun ingkang kaparingan asma Anakmas …… (sebutkan nama pengantin laki-laki); Kapasrahaken dumateng Gusti Allah Ta’ala minangka hakikinipun lan dumateng Bapa …… (besan) minangka wali utawi tiyang sepah saking temanten putri. Pramila kanthi atur “Bismillaahi tawakkalna ‘alallaahi laa hawla wa laa quwwata ila billaahil ‘adziim” anakmas …… kulo pasrahaken sedayanipun dumateng bapa …… (besan) saha ibu …. … lan khususipun kulo pasrahaken dumateng temanten putri inggih punika Nimas …… (sebutkan nama pengantin putri).

 

Para pinisepuh, sesepuh saha para rawuh kakung miwah putri ingkang dahat kinurmatan.

Kejawi saking menika minangka jangkeping tiyang sesanggeman, ugi kagem tangsuling katresnan, pangiket kekadangan, paningset pasederekan anggenipun sami bebesanan kula kinanthen ubarampe jangkeping palakrami ingkang awujud sanggan, ageman, saha majemukan, lan ugi sarat sarana adat padesan ingkang awujud, jurung srakah, pakemit/pakepel, pamesing, saha tanda tresnanipun keluarga dhumateng temanten putri awujud tali asih. Sedaya kula aturaken dhumateng kadang besan, Mugi ing samangkih kersa hanampi kanti suka rena ing penggalih.

.

Jangkep salajengipun. kula sapangombyong Bapa ……. (yang diwakili) sekalian garwa Ibu ………. tansah jurung pamuji mring Gusti Kang Maha Tresna Asih mugi-mugi Gusti Allah angijabahi sedyaning putra temanten kekalih, satemah saget hambangun kulawarga ingkang Sakinah Mawadah Warohmah wal Barokah. Aamiin 3x ya Rabbal 'Aalamiin.

 

Para rawuh kakung miwah putri ingkang minulya

Nun ugi murih rancaging panindak, hambok bilih adicara punika mangke sampun paripurna, keparenga kula sapangombyong nyuwun pamit lan nyuwun tambahing donga pangestu mugi anggen kula lan baraya ageng Bapa ………. (yang diwakili) sekalian garwa Ibu ………….., wangsul saking ndalem mriki tumuju dhateng rompokipun piyambak-piyambak tansah rahayu ingkang sami pinanggih, wondene baraya ageng Bapa ……….. (besan) dalah Ibu …………… makatena ugi.

 

Sagunging Para Tamu ingkang Dahat Kinurmatan

Makaten lan semanten atur kula minangka sulih sarira saking Bapa ....... (yang diwakili) sekalian garwa Ibu ............. Minangka titah limrah kula anglenggana katah atur ingkang kirang mranani ing penggalih, pramila kiranging subasita lan trapsila anggen kula matur, kula hanamung mawantu-wantu nyuwun lumunturing sih samodra pangaksama.

.

شُكْرًا وَدُمْتُمْ فِي الْخَيْرِ وَالْبَرَكَةِ وَالنَّجَاحِ

وَاللهُ الْمُوَفِقُ إِلَى أَقْوَمِ الطَّرِيْقِ وَالسَّلَامُ عَلَيْكُمْ وَرَحْمَةُ اللهِ وَبَرَكَاتُهُ

------------

Catatan :

• Atur Pasrah puniko hasil Modifikasi Kejawen dan Pesantren versi Kang Myanto. Mbok menawi cocok lan sarujuk monggo dipun gina aken lan tular aken!
• Kagem ingkang Nggina aken (download) kula suwun nderek komen / paring koreksi wonten ing kolom Komentar ngandap puniko! Matur suwun

Bagi yang sudah mengisi Kolom Komentar bisa Download DISINI